Begaj pret ministrin Sikorskin: Vazhdim i mbështetjes për integrimin në BE

18:41 | 19 Dhjetor 2024
E.G

Presidenti i Republikës së Shqipërisë, Bajram Begaj, mirëpriti në takim ministrin e Jashtëm polak, Radosław Sikorski, i cili po viziton Shqipërinë.

Kreu i Shtetit shqiptar vlerësoi marrëdhënien shumë të mira dhe miqësore, si dhe bashkëpunimin në rritje mes Shqipërisë dhe Polonisë në të gjitha fushat me interes të ndërsjellë, duke veçuar ekonominë dhe turizmin.

Gjatë takimit, Presidenti Begaj vlerësoi mbështetjen e vazhdueshme të Polonisë për integrimin në Bashkimin Evropian të të gjitha vendeve të Ballkanit Perëndimor. Ai u shpreh besimplotë se kjo mbështetje do të vazhdojë edhe gjatë Presidencës së BE-së nga ana e Polonisë, duke filluar nga janari 2025, përfshirë hapjen e grup-kapitujve të mbetur të negociatave të vendit tonë me BE-në.

Në bashkëbisedimin e zhvilluar, presidenti shqiptar i kërkoi ministrit të jashtëm polak mbështetje për rritjen e njohjeve të Kosovës dhe pranimin e saj në organizatat rajonale dhe ndërkombëtare.

/ rtsh.al /

Shpërndaje në rrjete sociale

Lajmet më të lexuara

Të ngjashme

Foto lajm